好多唔同嘅人都成日問我升學嘅問題。今日非常高興，有一個好消息。一位媽咪成功申請咗Blackrock College 私校，仔仔明年中一入學。她是一對孖仔仔，好願意和大家分享一下面試過程：
“咁我大約講下啦，首先就係上網看些中學網頁、排名榜和School report，睇吓邊啲學校好。
在過程中，我找了七間心水學校報名，在六月初已經報名，計劃入讀2021年9月。現已有三間學校嘅interview咗，Blackrock college 都係我嘅首選,因為間學校好適合我的小朋友性格，並且成績好好。
咁最重要看清楚學校嘅網頁，跟足流程 , 我自己有為小朋友預備學校的推薦信，當然大部份要交有報名費啦。
在interview前兩日，學校send個電郵俾家長，裏面附上面試的時間和方法，我自己會用Zoom面試，多數晚上嚟嘅。
因為我有兩個小朋友啦，佢首先會同我傾計，問我點解會揀佢哋學校啦，同埋傾一啲好閑話家常嘅問題，佢又會不停介紹佢自己間學校，非常友善。
之後就分別面試我個小朋友，每人輪流面試，我記得發生一件小插曲，因為我個仔面試嘅時候，我在佢對面，鏡頭係見唔到我嘅，但我仔的眼神不停望向我，個考官就話不如叫媽媽離開這間房，我想和你單獨會面。咁我就識做地離開房間，但當然有偷聽。
之後問返亞仔，問咗咩問題？是你的出身日期，我開頭覺得呢條問題有點古怪，但我覺得佢用意是想核實佢哋嘅身份，然後叫他們形容自己嘅性格、介紹自己、最鍾意嘅科目、想唔想入呢間學校和原因。
另外有一條處境題，若果你喺學校被人欺負你會點樣處理？
因為我亞仔有提及佢鍾意足球，佢問我個仔鍾意邊一隊球隊。
另外我有一個仔好鍾意畫畫，我預備左啲畫叫亞仔展示比考官睇。
亜仔一啲都唔緊張好輕鬆 “
以上就係佢用網上面試嘅情況啦，咁係好輕鬆嘅。同埋佢自己都覺得同香港好唔同，所以我同好多香港朋友講，千祈唔好緊張，呢度係好relax 㗎😊😆
呢啲係乜東東呢？就係我鄰居來自東歐;Slovakia 俾我嘅手信嘅朱古力。我好鍾意，因為吾係好甜，同埋喺愛爾蘭買唔到。
Search